Кормандони БДА ҶТ “Амонатбонк” бо медали ҷашнии 20-солагии СҲШ сарфароз гардонида шуданд

Раиси Раёсати БДА ҶТ “Амонатбонк” мӯҳтарам Икромӣ С.С. ва Сардори Идораи муносибатҳои байналлмилалӣ Раҳматзода Б. бо қарори Котиботи генералии Созмони Ҳамкории Шанхай бо медали ҷашнии 20-солагии СҲШ сарфароз гардонида шуданд.

Медали ҷашнии 20-солагии СҲШ барои саҳми арзанда дар раванди рушди Созмони Ҳамкории Шанхай созовор дониста шудааст.

Маврид ба зикр аст, ки дар соли 2021, дар баробари роҳбарии Ҳукумати Ҷумҳурии Тоҷикистон дар Созмони ҳамкории Шанхай, БДА ҶТ «Амонатбонк» низ, ҳамчун бонки аъзо дар Иттиҳоди байнибонкӣ раисӣ намуд.

Вобаста ба ин санаи 16 сентябри соли ҷорӣ бо ташаббуси БДА ҶТ «Амонатбонк» дар шаҳри Душанбе ҷаласаи Шўрои Иттиҳоди байнибонкии Созмони ҳамкории Шанхай бо иштироки намояндагони Ҳукумати Ҷумҳурии Тоҷикистон, роҳбарияти БМТ, Котиби генералии СҲШ ҷаноби Норов Владимир Имамович ва роҳбарони бонкҳои аъзои Иттиҳод баргузор гардид.